ياقلبـي هوّنهـا تـراهـا عـوافـي...

السلام عليكم ورحمة الله وبركاته

قصيده كتبت بدمع قائلها ... تزخرفت بنزف قلب قاصدها ... تبعثرت أحرفها أمام عين (( صاحبها ..

الوقت يمضي وهمّي اصبـح لحافـي
******وهذا زماني صار لا طعـم لا لـون

بيّحت من كثـر الالـم كـلّ خافـي
******ونثرت من دمع الحزن كـلّ مكنـون

والبسمه قامت تختفـي مـن خلافـي
******ودموع حزني تجرح الخـد بالهـون

ياقلبـي هوّنهـا تـراهـا عـوافـي
******لاتشتكـي يـوم الردييّـن يشكـون

إلا لـرب(ن) عالـم(ن) بالخوافـي
******سبحانه اللي كل شي(ن) لـه يكـون

ياوين ابلقى لي رفيـق(ن) مصافـي
******ماهو من اللي لكلمة السـر يفشـون

اعطيه علمـي والخبـر واعترافـي
******قبل يجضّ الصدر من قلـب مغبـون

هـذا قصيـدي ياعضيـدي وقافـي
******جـاك برسالـه يامهنّـد ولاتـهـون

نظمت من فكـري جـزال القوافـي
******مخطوط شاعر داخل القلب مطعـون

لعيون من هو حـب غيـره يعافـي
******يامـا سهرتـه والخلايـق ينامـون

إلتـفّ حبّـه علـى قلبـي إلتفافـي
******واصبح خفوقي في غلا الزين مسجون

إن كان حبّـه ذنـب فيـه إقترافـي
******سجلني اكبر مجرم(ن) في هذا الكون

ماكنت احسب حساب هجر وتجافـي
******لين اجبرني بغفله على الهجر بالعـون

روّحت وكـنّ القلـب فيـه إرتجافـي
******روّحت وكنّـي بعـد فرقـاه مجنـون

ماجور ياقلب(ن) على الحـب وافـي
******وماجور يادمع(ن) حدر يجرح عيون

أصـدّ خايـف لادموعـي تشـافـي
******خوف العواذل في دموعـي يعذلـون

ويفرح بحزني كـل واطـي وهافـي
******اللي عن دروب المراجـل يصـدون

ماهبتهـم والله ولانـيـب اخـافـي
******وانا من قوم(ن) للمراجـل يعـزّون

لكن دموع الرجل لاجـات إردافـي
******وش يسكت اللي بالشماتـه ينـادون

العشق وافـي والوفـاء بعـد وافـي
******وانا من اللي لاعشقوا صدق يوفـون

ما شاء الله كلمات مررررررة روعة

مشكور Eys Angles

P!nky

ماقصرت الله يعطيك العافية

كلمات في غاية الجمال

هلا والله فيكم بينك وفارس

مشكورين على مروركم

تحيتي

يعطيكـ الف عافيه ..

لاعدمناكـ ..

تقبل مروري

هلا فيك غلا معطره الصفحه

ومشكورة على المرور

تحيتي

روّحت وكـنّ القلـب فيـه إرتجافـي******روّحت وكنّـي بعـد فرقـاه مجنـون

يعطيكـ الف عافيهـ عالكلمات الروعهـ